تمثال الميدان
كلمات الشاعر / رضا ابو الغيط
***********************
بين حدود المستحيل
تاه من الصبرالدليل
كل شيئ ف الكون بحاله
صابه م الدنيا العويل
لما حالها صاب عيالها
بالسهام من ليل طويل
وانفتح للأرض جوفها
رغم خوفها
م اللى راح ينحط فيها
م اللى منها واللى زانها
وإلتقيتها من كسوفها
م اللى شافها
دارت الدمعه ف عينيها
والدموع اللي ف عيونها
غصب عنى وغصب عنها
والرياح قاعده بتعوى
فوق كتاف كل الضحايا
والنيران لسه بتشوى
اللى فاضل م الرحايا
والقضايا والزويا والنوايا
كله مستنى النهايه
كله مستنى يشوف
تعمل ايه الشمس لما
تلقي ف عينيها الكسوف
يعمل ايه ليلنا الحزين
لو قمرنا
عانا مره م الخسوف
لو شكينا او بكينا م الظروف
لو حمامنا من لئامنا
صابه خوف
وسط أسراب الغيوم
وانتصر موتنا الشغوف
نعمل ايه
لو ف يوم
تحت اسراب الضفوط
سن قلمى
صابه داء الانكسار
وابتدى الرسم البيانى
للسعاده ف انحدار
يعمل ايه
قلمى اللى حبره
كان تملي من مرار
فوق سطور زى القبور
م الحصار بتهب نار
يكتب ايه
تحت انصال السيوف
آه يا تمثال الميدان
يا اللى واقف ف انكسار
لما زاد سرب الجراد
والسواد صاب الخَضار
لما تاهت فيك معانى
رايحه جايه ف المدار
لما حلق الحر فينا
م اللى فينا
بطنوه بكل المرار
آه يا تمثالى المهان
م المخالب والتعالب
والتعابين الصغار
آه يا تمثال الأمان
م اللى باع واللى خان
من سنين
الفرحه فيها ف انحدار
ليست هناك تعليقات:
إرسال تعليق