(ليه يادنيا ) خواطر..( أشرف الدغيدي )
ليه يادنيا بتحبي دايماً توجعينا
وبتستخسري حتي الراحه فينا
تخلينا نحب ناس مهياش حاسه بينا
إحنا بندوب فهواهم وهما فهوا غيرنا
تايهين
ولمآ نعشقهم مانلقاش قلوبهم بينا حاسين
ولا حتي هما عارفين قيمة حبنا ليهم ومقدرين
وليه قلوبنا تحب ناس وقلوبهم آسيه علينا
وليه بتتعمدي يادنيآ تخليهم فطريقنا
ونشوفهم بعنينا
نحبهم ونتعلق بيهم وهما بيحبوا غيرنا ومتعلقين
وهما كمان ياعيني عليهم حبايبهم مهوماش بيهم داريين
وليه يادنيا فيه ناس لما نبص فعنيهم نحس بالحنيا جواهم
وناس مانلقاش غير الأسوه وياهم.
ولا نحس بالحنيه فقلوبهم ولآحتي فلمسة اديهم
ونلقي ناس ياعيني عليهم بيحبونا واحنا بحبهم مش عارفين
وهما كمان بيدوبوا فهوانا وبيتعذبوا
واحنا بيهم مش حاسين
وناس كتيره بنبقي هنموت عليهم
وهما هيموتوا علي ناس تانيين
ليه يادنيا فالغرام بتوجعي كده فينا
وبتستكتري حتي فالحب تريحينا
ودايماً فهوي قلوبنا بتوجعينا وتتعبينا
...........................................
خواطر..( أشرف الدغيدي )
حقوق النشر والطبع محفوظه
تم
ليست هناك تعليقات:
إرسال تعليق