مهموم وهمي تقيل
منه الجبال بتميل
ف الصبح باألقى الآه
والدمعه آخر الليل
وحدى بااعيش مسجون
بين الألم وظنون
وعيون مالاقيه عيون
تبقي لطريقي دليل
لون الفرح هربان
والأهل والخلان
فوق الشجر غِربان
بتطفي ف القناديل
حبل الوداد مقطوع
والجوع بيولد جوع
ف طريق ما فيهشه رجوع
ودموع. بتنزل سيل
علي فين وفين هنروح
ومين يداوى جروح
ساكنه الجسد والروح
لعليل .......وهمه تقيل
حلمه ....يعيش مستور
ويشوف... بعينه النور
لا عُمره .....حب الزور
وللا للشرور .....بيميل
صابر علي المكتوب
م التقوى فصل توب
يمكن... عذابه يتوب
والصبر أخره جميل
***********************
رضا ابو الغيط
ليست هناك تعليقات:
إرسال تعليق