....( لسه فاكر )................خواطر....( أشرف الدغيدي )
لسه فاكر قلبي هيحبك ويهواك زي زمان
وانت قلبك اتغير وبقيت آسي عليآ وملكش آمان
ولآ إنت فاكر إنت تأسي عليآ وقلبي يحبك زي ماكان
قلبي كان دايب فهواك لكنه اتغير لمآ عليك هان
وقدر ينساك لما آسيت وهجرته وقلبك للود وللعهد خان
إزاي قلبي يحبك ويعشقك وانت قلبك يتغير وينساني
قلبي يقدر ينسي أسوتك وظلمك لو رجعتلوا وحبيته تاني
وبقيت حنين زي زمان وملهوف عليه ومش أناني
وتصون الوداد وتشتاقلي لمآ أغيب عنك
ولو ثواني
واحس من نظرة عنيك ولمسة اديك انك لسه بتهواني
....................................................
ولو لسه عايش ياحبيبي فأوهامك وعايز تهجرني
متطلبش مني أحبك أو أسأل عليك ولآ تفتكرني
ولآ إنت غاوي تتعبني وتلآعبني بهجرك ونسياني
وعايزني اصبر وافضل أحبك وأهواك ولوحدي أعاني
...............................................
بلاش تجرب الأسوه معايآ تاني لسه قلبي بيحبك وبيهواك
دا الهوي والعشق عرفته ياحبيبي لمآ قلبي حبك واتمناك
خليك حبيبي زي مانت وبلاش تاني يكون بينا عِناد
دا انا ياحبيبي اتحمل اي شيء إلآ أسوتك عليآ ونبقي بُعاد
....................................................
دالحب حلاوته كل واحد يضحي عشان التاني
والقلوب تبقي صافيه وتنسي كلمة مجني عليه وجآني
وننسي الجفآ والأسوه ونكون أحباب مهما كان بيني وبينك
ويجمعنا الحب والوفا وتبقي طوعي وأبقي طوعك
................................................
خواطر....( أشرف الدغيدي )
حقوق الطبع والنشر محفوظه
ليست هناك تعليقات:
إرسال تعليق