*جوازاضطرارى* /محمدفارس أبوعمار
***************
متجوز الوليه
وبناتهاعليهاهديه
يمسك ايد داعيه
ويطبطب على ديه
قال يعنى دى حنيه
وهما بحسن نيه
عيب دول زى بناتك
وبمكن من دوراخواتك
ما تغفلش الوليه
امنتك على بناتها
ووثقت فى كلامك
قالت تخاف عليهم
اكمنك زى ابوهم
اتاريك تعلب خاين
عايزتغرربيهم
قايم بالليل تتسحب
على غرفة البنات
بدل ما تحميهم
رايح تبص عليهم
قال يعنى بتغطيهم
وعينيك مليانه شرار
والفعل فعل شيطان
قالت جوازه تحميهم
من كلام الناس
وماعرفتش اللى فيها
انك واحد بصباص
واحسن من ضل حيطه
زى مافى الامثال
اتارى الحيطه ارحم
من زى دا الهلاس
عشان مافيهش فايده
واحسن منه المداس
وعمر الذئاب ماتبقى
على الغنم حراس
عمر الذئاب ماتبقى
على الغنم حراس
***************
مع تحياتى/محمدفارس أبوعمار
ليست هناك تعليقات:
إرسال تعليق