ولدى بقلمى عبدالمنعم عدلى
عبدالمنعم عدلى--مصر
الدنيا ياولدى هم مايتلم
الناس فيها ديابة
عاملين صحابك
وهم اعدائك
الطبع فيهم غالب
والشاطر ال مايمشى وراهم
يمشى جنب الحيط او جواها
وفيها الغلابة ال شافوا الديابة
يسؤوك مراها ويخدوا حلواها
راجع نفسك ياولدى
شفت كتير والهم ثقيل
وابعد عن الغابة
صون نفسك بسجادة
واعمل منها وسادة
للصلاة والعبادة
ودى وصايا وهابة
قلها لولادك ل اجل مايكونوا ديابة
وبص كل يوم فى المراية
وحاسب نفسك قبل الفنايا
واعمل حساب لبكرة
قبل ما تندم فى حسرة
وخلى دايما بابك مفتوح
ولا ترد سائل على بابك
واخوك ياولدى
ذراعك وصحبك مالك
وبكرة الناس يسبوك
وتبكى على حالك
لما يخلص مالك
والزمن يطوى صفحتك ادامك
وما تصاحب ولا تناسب اخوانك
د الصحبة تربة
والنسب غربة بين جيرانك
ياولدى العمر ماشى
وابوك ماشى
وما حد يمسح دمعتك
اوصيك ياولدى
خلى ربك من كومك
د القوم فانى
وربك باق
اوعاك تنسى ياولدى
ارضك عرضك
والدم غالى
والوطن اغلى
حتى لو راح غالى
واحمد ربك فى السرة والضرة
والبس لباس ابض
دالعمر فانى
بقلمى عبدالمنعم عدلى
ليست هناك تعليقات:
إرسال تعليق