همسة عجب بقلمى/ .بقلمى/إسماعيل مصطفى المحامى والشاعر
صح الكلام يا خيتى
وشوفى البنت ف اميها
وشوفى فين الحسان
وعند حسانها ضميها
تلقى الحليوة ورد
وليها سبع يحكيها
وإن شفت مرة جرو
ماشى يتغندر لناحييها
اذءر عليه يا أسد
وشد السلاح واحميها
تلقى البنية شجن وتعشق
اليوم اللى تكون ليها
يا محلا كل الورود
يا ورد لما تكون فيها
عاشق أنا للورد والورد
روحى تروح ليها
والهمس كله وجد
موجودى كريم فيها
يا جرو ما تهز ديلك
اوعى تعيش فيها
ومصر بنت الرضا
أهل النبى فيها
كل الأنبيا جت لها
والنصر مكتوب ليها
ياللى إنت غاوى تعب
حسك تكون فيها
أحسن ولادها أسود
بتحرق من يعاديها
فيها رجال النار والجود
وفيها أسود ما تعرف تناديها
مسقية عشق ورضا
وفيها المحبة صفا والكل يرضيها
أصل البنيه إسمها وردة
على اسم بانيها
فيها الجمال والشوق
والعسل مدفون فيها
أحلى سلام لبهية
والوردة تعيش فيها
.همسة عجب# عامية..بقلمى/إسماعيل مصطفى المحامى والشاعر .بلبيس.شرقية.مصر
ليست هناك تعليقات:
إرسال تعليق