بقالك مده نسيانى
وحضنك راضى حرمانى
يادوب الكلمه كات لسه على لسانى
يادوب هنطق.....
لقيتك بره طردانى
معادشى القرب بيسبح فى محرابك
معادشى الود بينقر على بابك
معادشى القول طويل البال
وقطعتى الوصال بيننا معادشى حبال
معادشى طيور على الاشجار تغنيلك
وصوت الليل حزين الحال
نويتى خلاص على الفرقه!!
خطاكى تايهه فى الماشيه..
وخدتى خلاص على الترحال
مليتى القلب بالوسواس..تعبتى البال
فايتنى الأنس من أول
ماشوفت الغربه فى عيونك
قفلتى الباب مابين شكلى وبين لونك
وانا اللى ف يوم رميت البوسه على خدك
وكنت الحلم فى جفونك
خلاص كل اللى كان بيننا صبح معقود
كسرتى العود......وناديتى الخريف بدرى
نويتى تصومى عن ضحكه كانت بيننا
وبدلتى الهوى بهجرى
نويتى خلاص تسيبى الصمت فى عيونى
كأن الدنيا حوليا مراسم موت
نويتى تحبسى النسمه....
نويتى تقتلى البسمه
ويبقى ف إيدك العصمه وماسكه ريموت
سلامى لحب كان بيننا ناداه الموت
سلام ياسكوت
ليست هناك تعليقات:
إرسال تعليق